تعتبر مقلوبة القرنبيط باللحمة من الأطباق الشهية اللي بتجمع الأرز واللحمة والخضروات في وجبة واحدة مليانة نكهات. كمان شكلها بيتغير لما بتتقلب في طبق التقديم، فبتظهر طبقات القرنبيط والباذنجان والطماطم بشكل يشهي.
والشيف الشربيني قدم طريقة عمل مقلوبة القرنبيط بمكونات بسيطة وخطوات سهلة تقدر تعملها في البيت للحصول على وجبة كاملة ومميزة.
مقادير مقلوبة القرنبيط:
قرنبيط مقلي
باذنجان
مرقة
أرز
بصل
ثوم
كرات
كرفس
زعتر
جزر مبشور
ورق لورا
حبهان
قرفة
بهارات
قرنفل
ملح وفلفل
مكعب مرق
طماطم شرائح
زيت
سمنة
مكعبات لحم مسلوقة
طريقة تحضير مقلوبة القرنبيط باللحمة:
ـ يشوح البصل مع الثوم في شوية زيت وسمنة، بعدين نضيف الكرات والكرفس والزعتر والجزر المبشور، ونقلب المكونات كلها مع بعض لحد ما تتجانس.
ـ نضيف مكعبات اللحمة المسلوقة على الخليط، وبعدها ورق اللورا والحبهان والقرفة والبهارات والقرنفل، ونتبل بالملح والفلفل.
ـ نضيف الأرز على المكونات، ونصب مرقة سلق اللحمة، ونسيب الخليط على النار لحد ما الأرز ينضج نص تسوية.
ـ في وعاء مناسب، نرص شرائح الطماطم في القاع، وبعدين نرص الباذنجان المقلي على جوانب الوعاء.
ـ نضيف طبقة من الأرز باللحمة، وبعدها طبقة من القرنبيط المقلي.
ـ نكرر الطبقات بنفس الطريقة لحد ما الكمية تخلص، وبعدين نغطي الوعاء كويس.
ـ نسيب مقلوبة القرنبيط على نار هادئة لحد ما تنضج تماماً وتتشرب المكونات المرقة والنكهات.
ـ نقلب المقلوبة في طبق تقديم مناسب بحذر، وبعدين نقدمها ساخنة.
سر نجاح مقلوبة القرنبيط:
عشان تحصل على مقلوبة متماسكة عند قلبها، يفضل إنك ماتقلبش المكونات داخل الوعاء أثناء التسوية، وتتأكد إن الأرز نضج كويس وامتص كمية المرقة المناسبة، وبعدين تسيب المقلوبة كام دقيقة قبل ما تقلبها في طبق التقديم.
