ميني باتيه بالجبنة من الأصناف اللي ممكن تعتمدي عليها وتقديمها لعيالك في اللانش بوكس، والطريقة مش معقدة زي ما ممكن تتخيلي، وكل مكوناتها متوفرة في مطبخك.
المقادير اللي هتحتاجيها:
– 3 أكواب من الدقيق
– ربع كوب سمنة
– ملعقتان كبيرتان لبن بودرة
– ملعقة كبيرة خميرة فورية
– رشة ملح
– ملعقة كبيرة سكر
– ملعقة كبيرة خل
– ماء للعجن
– سمنة إضافية للفرد
– جبنة رومي مبشورة للحشو
ولوجه الباتيه:
– ماء
– حبة البركة
طريقة التحضير:
في البداية، اخلطي الدقيق مع اللبن البودرة والخميرة، وبعدها ضيفي السكر والملح، وبعدين الماء والخل، واتركي الخليط لحد ما يخمر.
بعد كده افردي العجينة كلها، وادهنيها بالسمنة، وحطي الجبنة فوقها، ولفيها على شكل رول.
قطعيه قطع صغيرة، وادهني الوجه بالماء ورشي عليه حبة البركة، وبعدها دخليه فرن ساخن لحد ما يستوي تماماً.
وفي الآخر قدميه لعيالك في اللانش بوكس أو على سفرة الفطار، وبالهنا والشفا.
